الصفحه الرئيسية

ظ…ظ„ظƒ ط§ظ„طھط­ظ…ظٹظ„ - ط§ط­طھظپط¸ ظ…ظ„ظپط§طھظƒ ظ…ط¹ظ†ط§ ظ…ط¯ظ‰ ط§ظ„ط­ظٹط§ظ‡ , ظ…ط±ظƒط² طھط­ظ…ظٹظ„ , طھط­ظ…ظٹظ„ طµظˆط±

يارَبْ سَاعدْني عَلى أن أقول كَلمة الحَقّ في وَجْه الأقويَاء وأن لا أقول البَاطل لأكْسبْ تَصْفيق الضعَفاء وَأن أرَى الناحَية الأخرْى مِنَ الصّوَرة وَلا تتركنْي أتّهِم خصْومي بِأنّهمْ خَونه لأنهّم اخْتلفوا مَعي في الرأي يارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي يارَبْ عَلمّنْي أنْ أحبّ النَاسْ كَما أحبّ نَفسْي وَعَلّمني أنْ أحَاسِبْ نَفسْي كَما أحَاسِبْ النَاسْ وَعَلّمنْي أنْ التسَامح هَو أكْبَر مَراتب القوّة وَأنّ حبّ الانتقام هَو أولْ مَظاهِر الضعْفَ. يارَبْ لا تدعني أصَاب بِالغرور إذا نَجَحْت وَلا باليأس إذا فْشلت بَل ذكّرني دائِـماً أن الفَشَل هَو التجَارب التي تسْـبِق النّجَاح. يارَبْ إذا جَرَّدتني مِن المال فاتركْ لي الأمل وَإذا جَرّدتني مِنَ النجَّاح فاترك لي قوّة العِنَاد حَتّى أتغلب عَلى الفَشل وَإذا جَرّدتني مَن نعْمة الصَّحة فاترك لي نعمة الإيمان. يارَبْ إذا أسَأت إلى الناس فَاعْطِني شجَاعَة الاعتذار وإذا أسَاء لي النَّاس فاعْطِنْي شجَاعَة العَفْوَ وإذا نَسيْتك يَارَبّ أرجو أن لا تحرمني مَنْ عَفوِك وَحْلمك فأنت العَظيْم القَـهّار القَادِرْ عَـلى كُـلّ شئ


الخميس، نوفمبر 10، 2011

يوميات امرأه من الارياف - الجزء الثاني


حلم ايه بس خالك تعب وعايز يفطر ويقيل ساعه
واول حاجه اعملها ادور تحت المخده فين الفلوس ياستى اللى كانت هنا ؟؟
فلوس ايه يابنتى
وانا نايمه حلمت انى حطيت فلوس كتير هنا
طيب بكره تجيلك
أصحى ياعايده الفجر بيدن قومى صلى عشان تاخدى الفطار وتسرحى
لخالك الغيط انت عارفه انه من امبارح بايت بيروى الارض
حاضر ياستى بس اكمل الحلم واقوم طوالى
يابت قومى  فلوس تانى فى الحلم ابقى خلى بالك منه كويس
قومى يلاه
واقوم اتوضى واصلى واخد سرة الاكل اللى حضرتها ستى
وامشى ساعتين وسط الزراعه وحدى الناس كلها لسه نايمه
وبتسرح لما النهار يشقشق
وانا مش شايفه قدامى من الضباب كل خطوه على الطريق
ياما سمعت عنها حكايات قتل وعفاريت
يالهوى وافضل اقرأ قران وابص حواليا وورايا
هو لازم خالى يبات فى الغيط !
ابويا وامى واخواتى فى مصر مرتاحين وسيبنى هنا لوحدى
بالذمه ده عدل بقى علشان اتعلم لازم اشتغل وانا طفله
واتعرض للخوف والشقا والعفاريت
اللهم اجعل كلامى خفيف عليهم
طيب العفاريت كبرها هتعمل ايه معايا هخاف من ايه
هو انا عيله اهاعيله وهبله وكلامنجيه على الفاضى
ده لو بس ظهرت ممكن اطب ساكته والتعابين
اللى بتاقبلنى كل يوم اكتر من مره
وافضل افكر لحد ما اوصل قابلت كتير وشفت كتير
لكن ربنا سترها معايا جايز عشان لسه عيله
خالى الاكل اهو
طيب ياعايده اقعدى يلاه نفطر
حاضر
وبعد الفطار خالى يقولى هغفل شويه خلى بالك الساقيه دايره
حاضر ياغالى
وكل ما البقره او الجاموسه تقف اقول عااااااا تمشى
وكان كل تفكيرى اللى دايما يتكرر هى الجاموسه
ما بتتعبش ما بتعتضرطش
يبقى انا اللى هعترض كلنا دايرين فى ساقيه واحده
ويصحى خالى يفك البقره او الجاموسه ويجى وقت فراغنا
الساعه عشره الصبح ولسه بدرى على معاد الغدا والتقيل
عايده جهزى السنارة
حاضر يا خالى
والطعم حاضر
وكنت بخبرتى ومراقبتى لخالى اعلم جيدا اماكن الطعم
ونقعد سوا على شط الترعه وكل منا يرمى بسنارته فى الماء
بعد ان يقوم بنفسه بوضع الطعم فيها
صحيح كان خالى دائما الفائز ودى ما كنتش بسميها شطاره
بالعكس كنت بقول رزقه واسع
كان يصطاد عشر سمكات مقابل سمكه منى
وخلال ساعتين نحصل على كميه كبيرة من مختلف انواع السمك
وده كان ايام الرى
اما الايام العاديه فكانت المياه فى الترع والمصارف قليله جدا
وكنت احب تلك الايام لاننى لا اضطر للذهاب للارض الفجريه
وكنت بسرح ركبه الحمارة وجنبى الكثير من الناس
وكان الصيد فيها سريعا وخيرة وفير
كنت انزل الترعه انا وخالى يعمل سد وانا سد
وننطل الميه خارج السد طبعا بادينا
وبخبره نمسك السمك وسط الوحل او اماكن تواجده
كنت اعلم جيدا ان السمك يبنى بيوته على جانب الترع او المصارف
ويكون حصيلة ما جمعناه شوال ونعود للمنزل
لكى تشوى ستى السمك للغداء وتوزع الباقى على الجيران
وكانت اكلتى المفضله سمك سمك سمك مشوى مقلى صيديه مع برام الرز المعمر
جايز من عشرتى مع السمك اخدت خبره كبيره اعرف انواعه وكيف اصطاده
ولغايه دلوقتى لما اروح السوق اشترى سمك لازم يكون طازة
ولما تكون قراميط بحرص انى امسكها بنفسى
المرة الاولى استغرب البائع من جرائتى وضحك وقالى ابقى قابلينى
لو مسكتى قرموط واحد ههههه قلتله تدفع كام تراهن قال بثقه اراهن
اذا كان انا بمسكها بشبكه
ووسط دهشة البائع وذهوله مسكت القرموط ببراعه
وكان اول رد ماتيجى تشتغلى معانا
علمنى الصيد الصبر وعدم الفشل
والاعتماد على النفس
واذاى اواجه خوفى لو قابلنى تعبان وسط الترعه صحيح كنت بخرج بسرعه
وافضل اراقبه لغاية ما يبعد عن المكان وبعدين انزل
تانى الحزر مطلوب
وبرغم انى دائما كنت اتمنى ان اكون نباتيه
وكنت اعشق انيس منصور لانه نباتى
ولكنى حاولت وفشلت فانا لا اهوى اللحوم منذ الصغر
فذات يوم كنت مع ابى فى السوق وفجأة وقفت مزهوله
وانا اشاهد جمل يزبح
وسالت ابىي لماذا يذبحون الجمل
اجاب لكى يبيعوه فسالته وهل هناك بشر يأكلون لحم الجمل
قال نعم وكانت اجابتى يع
ومن يومها هاصمت اللحوم بجميع انواعها
حتى ولدت ابني كريم
عدت لاكل اللحوم بشراهه ماعدا لحم الجمل
وحاليا لا اكل سوى الضانى ولا احب الفراغ
ولكنى اعشق البط والوز والحمام وممكن التازل عنهم
ولكن السمك مستحيل
فقد تربيت على السمك والزبده والقشطه
واذكر جيدا ان ستى كانت تحلب البهائم كل يوم
وتحصل على خمس طواجن من اللبن نشرب ما يكفينا
وتضع الباقى تحت الدولاب حتى يروب اللبن
وتاتى تانى يوم لتفقد الطواجن فتجد ان القشطه قد اختفت
وتسألنى عايده فين القشطه وارد اكلتها ياستى
بالف هنا وشفا حبيبتى
اقدر اقول ان الاساس كان صح
وان زمان كان الخير فى كل مكان

المصدر
مدونة جايدا العزيزي

هناك 3 تعليقات:

  1. والله يا استاذه عايده
    لقد ابهرتني يومياتك
    فلقد لمستي ما بداخلي
    وكانكي تحكي قصة حياتي
    مع اختلاف بسيط
    فانا اعشق الريف بطبيعته وبجماله
    وبساطة الفلاحين وطيبتهم
    واعشق الاعوام والايام الماضيه
    من طفولتي مع سيدي بالغيط
    وكانكي كنتي تعايشين واقع حياتي
    وتكتبينها في سطور
    مشكوره كل الشكر استاذه عايده
    على هذهالتحفه الجميله والقيمه

    ردحذف
  2. اولا سعيده جدا بان بعض سطورى راقتك

    انا احاول فقط ان اعبر عما بداخلى

    ولكن هناك سبب وربما سر كبير لعدم حبى للريف

    لم تكن شجاعتى كافيه لتوضيحه

    والسبب الاخر انى كنت وحيده بلا اب او ام

    ربما لو كنت اعيش تحت رعايتهم لاختلف الامر وعشقت الريف جدا

    اشكرك جدا وتابعنى لانى عدت امس بعد زياره للريف استغرقت عشر ايام

    وقريبا سوف احكى ما حدث بالتفصيل

    سعيده بالصداقه

    اشكرك

    تحياتى

    ردحذف
  3. الشرف لي
    سيدتي عايده
    تسعدني صداقتك
    فصداقتك كنز
    وشيئا اعتز به
    وبمرورك بمدونتي المتواضعه
    يعد فخرا وتاجا اضعه على راسي
    ولاتنسنا سيدتي بجديدك برحلتك الاخيره
    بالريف فكم صرت اتلهف لقراءة كتابتك الشيقه
    وانتهز الفرصه سيدتي بدعوتك
    لالقاء نظره ولو بسيطه على منتدى قريتا
    منتدى ابناء شباس عمير لتتعرفي على ريفنا
    البسيط
    ولكي كل تقدير واحترام سيدتي

    ردحذف

تذكّر قول الله عز وجل
(مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ).

رسالة أحدث رسالة أقدم الصفحة الرئيسية
1. 2. 3.